Respýblıkanyń segiz óńirinde aýa raıyna baılanysty eskertý jarıalandy
«Qazgıdromet» RMK málimeti boıynsha, 10 naýryzda Aqmola oblysynyń ońtústigine, batysyna tuman túsedi, dep habarlaıdy Almaty-akshamy.kz QazAqparatqa silteme jasap.
Soltústik-shyǵystan, kúndiz ońtústik-shyǵystan jel soǵyp, ekpini 15-20 m/s-ke jetedi.
Aqtóbe oblysynda ońtústik-shyǵystan jel soǵyp, ekpini 15-20 m/s-ke jetýi yqtımal.
Atyraý oblysynyń soltústiginde tuman, kóktaıǵaq bolady. Shyǵystan, ońtústik-shyǵystan, shyǵystan jel soǵyp, ekpini 15-20 m/s-ke jetedi.
10, 11, 12 naýryz kúnderi túnde Jambyl oblysynyń taýly aýdandarynda nóser jaýyn jaýady. Oblystyń soltústiginde, taýly aýdandarda tuman túsedi. Ońtústik-batystan soqqan jeldiń jyldamdyǵy soltústik-shyǵysqa aýysyp, oblystyń ońtústik-batysynda, soltústik-shyǵysynda, taýly aýdandarda jeldiń jyldamdyǵy 15-20 m/s-ke, ekpini 23 m/s-ke jetýi yqtımal.
Batys Qazaqstan oblysynyń soltústiginde, ońtústik-batysynda tuman túsip, kóktaıǵaq bolady. Shyǵystan, soltústik-shyǵystan, kúndiz soltústik-shyǵystan, ońtústik-shyǵystan jel soǵyp, ekpini 15-20 m/s-ke jetedi.
Qyzylorda oblysynda tuman túsedi. Ońtústik-shyǵystan, shyǵystan jel soǵyp, kúndiz oblystyń soltústigi men ortalyǵynda jyldamdyǵy 15-20 m/s-ke jetedi.
10 naýryz kúni túnde jáne tańerteń Mańǵystaý oblysynyń batysynda tuman túsedi. Shyǵystan soqqan jeldiń baǵyty soltústik-batysqa aýysyp, oblystyń ońtústigi men soltústiginde ekpini 15-20 m/s bolýy múmkin.
10-12 naýryzda Túrkistan men Jambyl oblysynda aýa raıynyń jylynýy men tolassyz jaýǵan jańbyrǵa baılanysty ózenderde sý deńgeıi kóterilýi múmkin.