Baýyrjan Momyshulynyń esimin ıelengen metro turaǵynyń bolýy óte jaqsy bastama.
«Qazaqstan Respýblıkasy Ulttyq kooperatıvter jáne ekonomıkalyq qoǵamdastyqtardyń basqa da nysandary Qaýymdastyǵy» ZTB prezıdenti Qazybek Shaıh «Dostyq» metro stansasynyń ataýyn ózgertip, Baýyrjan Momyshulynyń esimin berý óte oryndy usynys degen pikirin jetkizdi, dep Almaty-akshamy.kz.
Ol Baýyrjan Momyshuly elimizdiń, ultymyzdyń, jalpy Qazaqstannyń rýhanı qazynasy, rýhanı qazyǵy ekendigin alǵa tartty.
«Dostyq» metro stansasynyń ataýyn ózgertip, Baýyrjan Momyshulynyń esimin berý óte oryndy usynys. Árıne, elimizde mindetti túrde dostyqty damytý kerek. Biraq, tarıhymyzdy umytpaýymyz qajet. Onyń ústine, qazir kún tártibinde «Rýhanı jańǵyrý» tur. Táýelsizdigimizdiń tuǵyryn qorǵap, ony damytý úshin bizge rýhanı tirekter, rýhanı qazyqtar kerek. Al Baýyrjan Momyshuly – elimizdiń, ultymyzdyń, jalpy Qazaqstannyń rýhanı qazynasy, rýhanı qazyq dep aıtýǵa bolady. Sebebi, ol jastarǵa úlgi. Jalpy, Baýyrjan Momyshulynyń esimin ıelengen metro turaǵynyń bolǵany óte jaqsy bastama dep aıtýǵa bolady», - deıdi Q. Shaıh.
Tek qana bizdiń elimizdiń azamattary emes, basqa elden kelgen qonaqtar onyń atyn oqyp, estigen kezde qyzyǵýshylyq týyp, onyń kim ekenin bilgisi keledi. «Bul tulǵa kim, qandaı is atqarǵan, tarıhta qandaı izin qaldyrǵan» degen syndy suraqtar týyndaıdy. Osylaı biz elimizde, Qazaqstanda memleket retinde, jalpy ult retinde Baýyrjan Momyshuly sekildi uly tulǵa bar ekenin kórsete alamyz degen pikirde ekenin jasyrmady ol.