Sońǵy jyldary Halyqaralyq jýrnaldarda ǵylymı jarıalanymdardyń ósýi (2022 jyly - basylymdardyń jalpy sanynan 0,14%, 2020 jyly-0,13%), sondaı-aq Scopus bazasyna kiretin qazaqstandyq ǵylymı jýrnaldar sanynyń ósýi baıqalady, dep habarlaıdy Almaty-akshamy.kz.
Bul elimizdegi ǵylymı jetistikterdi álemdik qoǵamdastyq moıyndaǵanyn kórsetedi. Matematıka, ınjenerıa, ekologıa, mıkrobıologıa, molekýlalyq bıologıa jáne genetıka sıaqty ǵylymı baǵyttar boıynsha kórsetkishter jaqsardy.
Otandyq ǵalymdardyń jetistikteriniń ishinde QazVac koronavırýsyna qarsy qazaqstandyq joǵary tıimdi vaksınanyń ázirleýin atap ótý qajet.
Sonymen qatar, biryńǵaı tereze sıfrlyq platformasy arqyly ǴZTKJ-ny qarjylandyrýǵa jer qoınaýyn paıdalanýshylardyń mindettemelerin ortalyqtandyrý boıynsha jumys júrgizilýde (1%). Aıta keterlik bir jaıt, «Samuryq-Qazyna» ulttyq ál-aýqat qorynda ǵylymı-tehnıkalyq bastamalar ortalyǵy quryldy. Bıylǵy jyly esepke alý, tirkeý jáne saraptama prosesteriniń biryńǵaı sıfrlyq platformasyn iske qosý josparlanyp otyr. Jer qoınaýyn paıdalanýshylardyń bilimge jáne ǴZTKJ mindettemeleriniń 1% - paıdalanýdy úılestirý boıynsha NQA-ǵa tıisti ózgerister engiziletin bolady.
Búgingi tańda ǵylym salasyn basqarý, ǵylymı qyzmet nátıjelerin komersıalandyrý, tehnologıalardy damytý jáne ınovasıalyq qyzmetti qoldaý máselelerin úndestirý maqsatynda Mınıstrlikpen «Ǵylym jáne tehnologıalyq saıasat týraly» zań jobasy ázirlenýde.