«QazTransGaz Aımaq» AQ Almaty óndiristik fılıalynyń qyzmetine júrgizilgen tekserý barysynda ústem jáne monopolıalyq jaǵdaıdy teris paıdalaný faktileri anyqtaldy, - dep habarlaıdy Almaty-akshamy.kz Bas prokýratýranyń baspasóz qyzmetine silteme jasap.
Mysaly, monopolısterdiń sharty boıynsha, kásipkerler, ǵazdyń paıdalanylmaǵan kólemi úshin gaz qunynyń 10 paıyzyn zańsyz tólem kelgen.
Ústem jáne monopolıalyq jaǵdaıyn teris paıdalanǵany úshin «QazTransGaz Aımaq» AQ fılıaly QR «Ákimshilik quqyq buzýshylyq týraly» Kodeksiniń 159-baby 3-1-bóligi boıynsha jaýaptylyqqa tartylyp 497,1 mıllıon teńge kóleminde aıyppul salyndy, -dep jazdy massaget.kz.
Sonymen qatar, 2022 jyly tabıǵı monopolıa sýbektisi, kórsetetin qyzmetter kóleminiń ósýine qaramastan kompanıa 2023 jylǵa arnalǵan tarıfti tómendetken joq (kórsetilgen qyzmetterdiń kóleminiń ulǵaıýyna baılanysty tarıf qaıta qaralýy tıis).
Osyǵan oraı, Tabıǵı monopolıalardy retteý departamentiniń qadaǵalaý aktisimen, aǵymdaǵy jyldyń 1 sáýirinen bastap taýarlyq gazdy tasymaldaý tarıfin 6 paıyzǵa, 1000 m3 úshin 4 099,25 teńgeden 1000 m3 3 848,03 teńgege deıin tómendetý týraly buıryq shyǵaryldy.
Qabyldanǵan sharalar Almaty qalasynda 450 000 tutynýshynyń, onyń ishinde 8 800 kásipkerdiń quqyǵyn qorǵady.