Mádenıet jáne sport mınıstri Asqat Oralov 35 jastaǵy aýyr atlet Vladımır Sedovtyń ólimine qatysty pikir bildirdi, - dep habarlaıdy Almaty-akshamy.kz.
Mınıstrlik basshysy dańqty sportshynyń sińirgen eńbegine toqtalyp, ziltemirshiniń týǵan-týystary men jaqyndaryna kóńil aıtty,-dep jazdy Tengri Sport.
«Birinshiden, árıne bul kórnekti sportshy ekenin aıtqym keledi, sonyń arqasynda elimizdiń týy birneshe ret Olımp shyńyna kóterildi.
Qazaqstan chempıonattary men halyqaralyq týrnırlerdegi tamasha nátıje - bul bizdiń aýyr atletıkanyń ǵana emes, jalpy qazaqstandyq sporttyń tarıhynda qalary sózsiz.
Kórnekti sportshynyń barlyq týǵan-týystary men jaqyndaryna kóńil aıtamyn. Qazir quzyrly organdar bul máseleni tekserip jatyr. Árıne, bul úlken shyǵyn. Biz taǵy da kóńil aıtamyz. Quzyrly organdardyń saraptamasynan keıin tolyq aqparat beriledi», - dedi mınıstr.
Eske salaıyq, 27 maýsymda tanymal qazaqstandyq aýyratlet Vladımır Sedov ózine qol jumsap qaıtys bolǵany belgili boldy.
Vladımır Sedov – Qazaqstannyń eńbek sińirgen sport sheberi, 2008 jylǵy Beıjiń Olımpıadasynyń qatysýshysy, Qazaqstan Respýblıkasynyń tórt dúrkin chempıony, 2010 jylǵy Qazaqstan chempıonatynyń rekordsmeni. Sátti óner kórsetkeni úshin «Qurmet» ordenimen marapattalǵan.