Qoıma Eýropalyq Odaq pen Ortalyq Azıa elderine halyqaralyq poshta jóneltilimderin qabyldap, tranzıtpen jibere alady
"Qazposhta" Qazaqstannyń tranzıttik áleýetin damytyp, "Qorǵas" SHYHO aýmaǵynda bond qoımasyn ashady, dep habarlaıdy Almaty-akshamy.kz inbusiness.kz-ke silteme jasap.
Qoıma Eýropalyq Odaq pen Ortalyq Azıa elderine halyqaralyq poshta jóneltilimderin qabyldap, tranzıtpen jibere alady.
Qazaqstandyq bondtyń qyzmetteri elder arasyndaǵy taýar aınalymyn ulǵaıtady jáne taýarlardy EO jáne OA elderine jetkizý jyldamdyǵyn edáýir qysqartady. Aıta keteıik, Eýropa elderine avıa jetkizý merzimi 2-3 kúnge deıin, avtomobıl kóligimen jetkizý merzimi 7-12 kúnge deıin qysqarady.
"Qazposhta logıstıkalyq ınfraqurylymdy damytýdy jáne jetildirýdi jalǵastyra beredi. "Qorǵas" SHYHO-da ashylatyn bond qoımasy Sıngapýr men Dýbaıdyń úlgisi boıynsha jumys isteıtin bolady. Osyndaı alańnyń ashylýynyń arqasynda biz Qazaqstannyń tranzıttik áleýetin damytyp, ınvestısıa tartý úshin qolaıly jaǵdaı jasaımyz, nátıjesinde jańa jumys oryndaryn qurýǵa kómektesemiz", – dedi "Qazposhta" AQ Basqarma tóraǵasy Ásel Janasova.