Facebook áleýmettik jelisinde alaıaqtardyń jarnamasy taǵy da taraldy.
Onda jańa memlekettik baǵdarlama aıasynda barlyq qazaqstandyqtarǵa qosymsha tólemder tólenetini týraly aıtylǵan. Bul aqparatqa senbegen jón, dep habarlaıdy Almaty-akshamy.kz.
Alaıaqtar eski tásildi qoldanyp otyr: vıdeo jalǵan daýyspen dybystalǵan. Al senimdirek bolýy úshin kúnin 2024 jylǵy 22 sáýir dep kórsetilgen.
Shyn máninde, taralǵan vıdeoda bir-birimen baılanysy joq jańalyqtar sújetteri usynylǵan.
Ekrandaǵy bastapqy cýret «Mır» telearnasynyń» Vmeste» baǵdarlamasynan alynǵan. Vıdeoda onyń júrgizýshisi Ekaterına Abramova da kórsetilgen. Telearnanyń saıtynda turǵyndarǵa dıvıdendter tólenetin qazaqstandyq jańa memlekettik baǵdarlama týraly aqparat joq.
Taǵy bir úzindi – Qazaqstan prezıdenti Qasym-Jomart Toqaevtyń tóraǵalyǵymen ótken Sybaılas jemqorlyqqa qarsy is-qımyl máseleleri jónindegi keńes otyrysy. Tolyq vıdeosy 2019 jylǵy 20 mamyrda Astana TV telearnasynyń saıtynda ornalastyrylǵan. Onda qazaqstandyqtarǵa tólenetin qosymsha tólemder týraly aıtylmaıdy.
Memleket basshysynyń resmı saıtynda da jańa tólemder týraly jarlyqtar joq.
QR Eńbek jáne halyqty áleýmettik qorǵaý mınıstrliginiń resmı portalynda da áleýmettik qoldaýdyń jańa sharalary týraly jazylmaǵan.
Alaıaqtar joq tólemderdi tóleımiz dep buryn da aıtyp kelgen. Beıtanys resýrstarda jeke derekterdi qaldyrmańyzdar. Olardy alaıaqtar ıemdenip, óz maqsatynda paıdalanýy múmkin.