Baıqaý muǵalimderdiń akademıalyq ǵana emes, sonymen qatar áleýmettik mańyzdy, qoǵamdyq qyzmettegi erekshe jetistikterin atap ótedi.
Áleýmettik jobalarda muǵalimniń jumyspen qamtylýy balalardy biriktirýge, olardyń ózara is-qımylyn shyǵarmashylyqpen, bilimmen toltyrýǵa múmkindik beredi jáne óskeleń urpaqtyń úılesimdi damýyna áser etedi, dep habarlaıdy Almaty-akshamy.kz Oqý-aǵartý mınıstrligine silteme jasap.
Muǵalim — qoǵam úshin qurmetti de qajetti mamandyqtardyń biri. Árbir muǵalimniń shyǵarmashylyq áleýeti bar jáne ár muǵalim qoldaý men qurmetke laıyq. Syılyq muǵalimderdiń erekshe jetistikterin moıyndap qana qoımaı, olarǵa ósý men ózin-ózi jetildirýge múmkindik beredi.
Baıqaý kez kelgen bastaýysh jáne orta bilim berý mektepteriniń (orta mektepter, gımnazıalar, lıseıler, jeke jáne memlekettik mektepter) muǵalimderi úshin ashyq jáne elimizde rekordtyq 20 mıllıon teńgege teń júlde qoryna ıe.
«Qazaqstan muǵalimi» Ulttyq Syılyǵy QR Oqý-aǵartý mınıstrliginiń qoldaýymen uıymdastyrylýda. Ol 1 mıllıon AQSH dollary kólemindegi júlde qory bar «Álem muǵalimi» Jahandyq syılyǵynyń (Global Teacher Prize) ulttyq kezeńi bolyp tabylady. Bul joba aıasynda qazaqstandyq muǵalimder álemniń úzdik 50 muǵalimniń qataryna eki ret kirdi!
Tarıhtyń bóligi bolyńyz! Qazaqstan Muǵalimi Ulttyq Syılyǵynyń jeńimpazy atanyńyz! Qatysý jáne syılyq týraly qosymsha aqparat alý úshin veb-saıtqa https://www.teachers-summit.org siltemesi arqyly kirińiz.