Bul týraly «Memlekettik tehnıkalyq qyzmet» AQ habarlady.
Búgin Qaznetke taǵy da aýqymdy kıbershabýyldar jasalǵany belgili boldy, dep habarlaıdy Almaty-akshamy.kz
«Memlekettik tehnıkalyq qyzmet» AQ ókilderiniń aıtýynsha, bul jaǵdaı Qazaqstannyń barlyq óńirindegi ınternet baılanysynyń jumysyna keri áser etedi.
«Qazirgi ýaqytta «MTQ» AQ-nyń tehnıkalyq mamandary qaýipterdi zalalsyzdandyrý jumysymen aınalysyp jatyr», dedi mekemeniń baspasóz qyzmeti.
Qazaqstannyń túrli óńirlerinde, sonyń ishinde Astana, Almaty, Shymkent qalalarynda birneshe kúnnen beri ınternette aqaýlar baıqaldy. Qaznetke DDoS shabýyly alǵash ret 25 qyrkúıekte belgili boldy. «Memlekettik tehnıkalyq qyzmet» AQ kıbershabýyldar baılanys operatorlarynyń magıstraldyq arnalaryna júktemeniń artýyna ákep soqtyratynyn eskertti.
Keshe de Astana, Almaty, Shymkent, Taraz, Óskemen, Pavlodar oblystaryn qosa alǵanda, birqatar qazaqstandyqtar ınternet jelisindegi aqaýlarǵa shaǵymdandy.