ArtSport baǵdarlamasy boıynsha 6 birdeı qylmystyq is qozǵalýy múmkin.
Bul týraly Almaty qalasynyń prokýrorlary málim etti, dep habarlaıdy Almaty-akshamy.kz.
Vedomstvo ókilderiniń aıtýynsha, ArtSport baǵdarlamasyna qatysty tekseris júrgizilip, birneshe mıllıon qarajat jymqyrylǵany anyqtalǵan. Búdjet qarjysyn urlaý úshin naqty sqema qoldanylǵan. Sondaı-aq sport seksıalarynda buryn sottalǵan jáne ártúrli qylmys úshin jaýapqa tartylǵan 10-nan astam jattyqtyrýshy balalarǵa sabaq berip kelgen. Odan bólek 3 myńnan astam bala shetelde bolsa da, qaǵaz júzinde úıirmelerge tirkelgen. 5 myńyna sabaq múlde ótkizilmegen. Keıbir jattyqtyrýshylarmen eńbek sharttary jáne zeınetaqy aýdarymdary jasalmaǵan. Sonymen qatar júıeniń jumysynda da birshama olqylyqtar bar.
Eske salamyz, buǵan deıin Almaty qalasynyń ákimi Erbolat Dosaev 1 qyrkúıekten bastap, ArtSport baǵdarlamasyn qarjylandyrý toqtatylatyny týraly aıtqan edi.