QR Ǵylym jáne joǵary bilim vıse-mınıstri Talǵat Eshenkýlov QHR Fanchengan qalasynyń meri Sú Mınhýnmen Qazaqstan Respýblıkasy men Qytaı Halyq Respýblıkasy arasyndaǵy joǵary bilim men ǵylym salasyndaǵy yntymaqtastyqty damytý máseleleri boıynsha kezdesti.
Bul kezdesý bilim berý salasyndaǵy eki el arasyndaǵy uzaq merzimdi áriptestikti nyǵaıtýǵa baǵyttalǵan, dep habarlaıdy aqshamnews.kz Ǵylym jáne joǵary bilim mınıstrligine silteme jasap.
Kezdesý barysynda Qazaqstan tarapy ekijaqty yntymaqtastyqty damytý úshin alǵysharttardy atap ótti. Qazirgi tańda Qytaı ýnıversıtetterimen 241 kelisim jasalyp, bilim berý jáne ǵylymı zertteýler salasynda kóptegen jobalar júzege asyrylýda.
Negizinen Qytaı jáne Qazaqstan arasynda stýdenttermen almasý baǵdarlamalaryn keńeıtý, qosymsha ǵylymı-zertteý jobalaryn iske asyrý, oqytýshylar men ǵylymı qyzmetkerlerdi almastyrýdy uıymdastyrý, jańa birlesken oqý baǵdarlamalaryn ázirleý jáne olardy iske qosý, Qazaqstanda qytaı ýnıversıtetteriniń fılıaldaryn ashý múmkindikterin qarastyrý máseleleri talqylandy.
Kezdesýge qatysýshylar eki el arasyndaǵy yntymaqtastyqty odan ári nyǵaıtý jáne bilim men ǵylym salasynda ortaq jetistikterge qol jetkizý úshin birlesken is-sharalardy jalǵastyrý qajettiligin atap ótti.
Kezdesýdiń qorytyndysy boıynsha taraptar halyqaralyq bilim berý men ǵylymı forýmdardy uıymdastyrýǵa, sondaı-aq kadrlardy daıarlaý jáne tájirıbe almasý máselelerin ilgeriletýge kelisti.