2024 jyldyń 1 jeltoqsanynda Almatyda óńirlik komýnıkasıalar qyzmetiniń uıymdastyrýymen BAQ ókilderi, teledıdar qyzmetkerleri men blogerler arasynda ústel tenısinen spartakıada ótti. Bul sharanyń negizgi maqsaty – kásibı baılanysty nyǵaıtý jáne sportty nasıhattaý, dep habarlaıdy aqshamnews.kz
Týrnırge «Alataý Aqparat», «Sport plús Qazaqstan», «Birinshi arna «Eýrazıa», Almaty TV syndy tanymal medıa ókilderi men blogerler komandalary qatysty.
Jarys dostyq atmosferada ótip, beıresmı qarym-qatynas ornatý, tájirıbe jáne ıdeıa almasý alańyna aınaldy. Qatysýshylar mundaı bastamalardyń kásibı jáne adamı qarym-qatynasty nyǵaıtýdaǵy mańyzdylyǵyn erekshe atap ótti.
Jarys qorytyndysy boıynsha:
- 1-oryn – «Sport plús Qazaqstan» komandasy;
- 2-oryn – «SMA-2» komandasy;
- 3-oryn – «Birinshi arna «Eýrazıa» komandasy.
Uıymdastyrýshylar mundaı sharalar qoǵam ómiriniń mańyzdy bóligi retinde sportty nasıhattaýǵa yqpal etetinin jáne medıa salasy mamandary arasynda yntymaqtastyq rýhyn nyǵaıtatynyn atap ótti.
