Qazaqstanda AES salý máselesi boıynsha Almatyda ótken jarıa talqylaýlarda QR Ulttyq ıadrolyq ortalyǵy bas ınjeneriniń orynbasary Denıs Zarva qazirgi zamanǵy atom elektr stansıalary qoldanatyn barynsha qorǵaý sharalaryn atap ótti.
- Chernobylda jumys istegen reaktormen munda usynylǵan jobalardyń eshqandaı qatysy joq. Qazirgi reaktorlar qysymmen jumys isteıtin eki tizbekti sý qubyrlary bolyp tabylady. Qazirgi qaýipsizdik sharasynda-qorǵanys kapsýla arqyly bolady. Birinshi bolattan jasalǵan qabyq tyǵyzdyǵyn saqtaıdy jáne radıoaktıvti ónimderdiń atmosferaǵa shyǵýyna jol bermeıdi. Syrty betonmen jasalǵan, ol tornadoǵa, daýylǵa, ushaqtardyń qulaýyna jáne t.b. qarsy turýǵa múmkindik beredi. Qazirgi atom elektr stansıalarynda 5 qaýipsizdik deńgeıi bar. Olardyń quny atom elektr stansıasyn salý shyǵyndarynyń jartysyn quraıdy, - dedi spıker.
Esterińizge sala keteıik, aǵymdaǵy jyldyń maýsym aıynda memleket basshysy atom elektr stansıasyn salý boıynsha referendým 2024 jyldyń kúzinde ótetinin málimdedi. Naqty kúndi Qazaqstan Úkimeti aıqyndaıdy.