"Qazgıdromet" Qazaqstannyń týrısik aımaqtaryna úsh avtomatty meteorologıalyq stansa ornatty
Elimizde týrızmniń belsendi damýynan gıdrometeorologıalyq qamtamasyz etýge degen suranys artýda, dep habarlaıdy Almaty-akshamy.kz
Sol sebepti de «Qazgıdromet» tanymal týrısik baǵyttardy meteorologıalyq monıtorıńimen qamtýdy qolǵa aldy.
«Pandemıa kezinde qazaqstandyqtardy elimizdiń ásem tabıǵatymen tanystyratyn týrısik fırmalar men jekelegen belsendilerdiń sany kúrt ósti. Elimizde belsendi týrızmniń damýy gıdrometeorologıalyq qamtamasyz etýge degen suranysty arttyrýda. Boljamdardyń dáldigi, jaýyn-shashyn men daýyldy ýaqtyly habarlaý ishki týrızmniń birqatar salasynyń kiristerin qalyptastyrady», - delingen habarlamada.
Qazaqstannyń týrısik aımaqtaryna úsh avtomatty meteorologıalyq stansa ornatty. Olar - Sharyn shatqaly (Sharyn AMS), Kólsaı kóli (Kólsaı AMS) jáne Túrgen shatqaly (Túrgen AMS).
«Buryn bul aımaqtar "Qazgıdromet" monıtorıńisiniń jerústi jelisimen qamtylmaǵan bolatyn, degenmen AMS eldi mekenderdiń janynda da, shóldi, taýly jáne ormandy aýdandardaǵy úlken qalalardan qashyq jerlerde de ornalasqan. Qoryqtar ishinde ornalasqan osy úsh aımaqty tańdaýǵa óz betimen saıahattaýshylar men týrısik fırmalar úshin naqty aýa-raıy boljamynyń qajettiligi sebep boldy», - delingen habarlamada.
«Qazgıdromet» RMK-niń bir-úsh táýlikke beretin jaýyn-shashyn, jel, aýa temperatýrasy boıynsha boljamdarynyń durystyǵy 92%-ǵa deıin jetedi. Adamdar kóp jınalatyn tanymal týrısik marshrýttar aımaǵyna AMS-ty ornalastyrý kelýshilerge qolaısyz meteorologıalyq jaǵdaı, aýa raıynyń kúrt ózgerýi jáne daýyl týraly eskertý qajettiliginen týyndap otyr. "Qazgıdromet" aldaǵy ýaqytta basqa da tanymal týrısik baǵyttardy monıtorıńimen qamtý kózdep otyr.
Eske sala ketsek, 29 mamyrda Almaty oblysynyń Sharyn shatqalynda sel júrip, 2 týrıs qaza tapty. Taǵy 6 adam zardap shekken edi.