Kezdesýde kólik jáne tranzıttik júk tasymaly salasyndaǵy yntymaqtastyq máseleleri talqylandy.
QR Indýstrıa jáne ınfraqurylymdyq damý mınıstri Beıbit Atamqulov Qyrǵyzstannyń Tótenshe jáne Ókiletti elshisi Dastan Dúıshekeevpen kezdesti, dep habarlaıdy Almaty-akshamy.kz
Kezdesýde kólik jáne tranzıttik júk tasymaly salasyndaǵy yntymaqtastyq máseleleri talqylandy. Atap aıtqanda, «Qytaı-Qazaqstan-Qyrǵyzstan» baǵyty boıynsha tranzıttik júkterdiń kedergisiz ótýi, elderimiz arasyndaǵy áýe reısteriniń sanyn arttyrý, sondaı-aq tranzıttik temirjol jolaýshylar tasymalyn jańǵyrtý múmkindigi qarastyryldy.
Anyqtama: 2021 jyldyń 9 aıynda Qazaqstannyń temir joly arqyly tranzıtpen júk tasymaldaý kólemi 2% (nemese 53,91 myń tonnaǵa) artyp, 2 mln.400 myń tonnany qurady (2020 jyldyń sáıkes kezeńinde - 2 mln. 347 myń tonna). 2020 jyly Qytaıdan Qyrǵyzstan baǵytynda tranzıttik júkterdi tasymaldaý kólemi 226,6 myń tonnany qurady. 2021 jylǵy 9 aıda ol kórsetkish 41% ulǵaıyp, 221,9 myń tonnaǵa jetti (2020 jyldyń sáıkes kezeńinde - 157,6 myń tonna).
Qazaqstan men Qyrǵyzstan arasynda aptasyna 9 áýe reısi oryndalady. Qazirgi ýaqytta aptasyna 7 ret Almaty – Bishkek jáne aptasyna 2 ret Túrkistan – Bishkek baǵyttarynda turaqty áýe reısteri qatynap júr.