Eki aptada óńirde anomaldy temperatýra boldy
Aqtaýda «QazAzot» kásipornyndaǵy kúrdeli mıneraldy tyńaıtqyshtar óndirý sehynyń shatyry ortasyna opyrylyp qulady. Bul týraly kásiporynnyń baspasóz qyzmetinen málim etti, dep habarlaıdy Almaty-akshamy.kz.
«Oqıǵa 24 shilde kúni saǵat 05:20 shamasynda boldy. Ǵımarat shatyrynyń ishinara opyrylýy qolaısyz meteojaǵdaılar saldarynan oryn alǵan. Óıtkeni sońǵy eki aptada óńirde anomaldy temperatýra boldy. Sondaı-aq oqıǵa bolǵan kúni naızaǵaı oınap, nóser jaýyn jaýǵan edi. Tehnologıalyq jabdyqtar zardap shekken joq. Oqıǵa ornyn «Jalyn» Órt sóndirýshi» JSHS-nyń avarıalyq-qutqarý qyzmeti tekserdi. Aımaq qorshaldy. Kásiporyn qyzmetkerleri men halyqtyń densaýlyǵyna qaýip joq», - delingen aqparatta.
Oqıǵa oryn alǵan aımaq tolyqtaı qorshalǵan. Qaza tapqandar men zardap shekkender joq.