AQSH maımyl sheshegin juqtyrý boıynsha álemde birinshi orynǵa shyqty
Dúnıejúzilik densaýlyq saqtaý uıymy (DDU) álemde maımyl shesheginiń taralýyn toqtatýǵa bolady dep sanaıdy. Bul týraly DDU sheshekpen kúres jónindegi hatshylyǵynyń basshysy Rozamýnd Lúıs málimdedi, dep habarlaıdy Almaty-akshamy.kz.
«Qazirgi ýaqytta biz maımyl shesheginiń órshýin qajetti toptarǵa qatysty durys strategıalardy qoldaný arqyly toqtatýǵa bolady dep sanaımyz, biraq ýaqyt ótip jatyr jáne bul úshin bárimiz birigýimiz kerek», - dedi Lúıs.
Ol DDU sheshekpen kúresýdiń jahandyq úılestirý tetigin jasap jatqanyn, biraq ázirge bári talqylaý deńgeıinde ekenin aıtty.
COVID-19 taralýyna jol bermeý jónindegi VAK-tyń málimetinshe, Amerıka Qurama Shtattary maımyl sheshegin juqtyrýdyń jekelegen elde tirkelgen jaǵdaılarynyń sany boıynsha álemde birinshi orynǵa shyqty.
Buǵan deıin Aýrýlardy baqylaý jáne aldyn alý ortalyǵy AQSH-ta vırýstyq aýrýdyń taralýy týraly derekterdi jańartty. Sońǵy málimetter boıynsha, elde maımyl sheshegin juqtyrýdyń
3 487 jaǵdaıy anyqtaldy. Jaǵdaılardyń eń kóp sany Nú-Iork (990), Kalıfornıa (356) jáne Illınoıs (344) shtattarynda tirkeldi.
Infeksıany juqtyrý jaǵdaılarynyń kóbeıýi testileýdi ótkizý úshin múmkindikterdiń keńeıýi aıasynda jáne álemde aýrýdyń ósýine baılanysty oryn alady. Sarapshylar ınfeksıany juqtyrýdyń naqty sany aıtarlyqtaı joǵary bolýy múmkin deıdi.
Parıjde Fransıadaǵy alǵashqy maımyl sheshegine qarsy vaksınasıalaý ortalyǵy ashyldy. Kún saıyn 200-300 adamdy egý josparlanýda.
Qazirgi ýaqytta Fransıada 1700 jaǵdaı tirkelgen. Parıjdi qala mańymen qamtıtyn Il-de-Frans aımaǵy eń problemaly bolyp sanalady. Munda vaksınanyń shamamen 300 myń dozasy qajet, deıdi mamandar.
Buǵan deıin bılik qaýipti toptardyń ókilderinen maımyl sheshegine qarsy ekpe alýdy ótingen. Mundaı toptarǵa eń aldymen gomoseksýaldar, transgender jáne jezókshelikpen aınalysatyn adamdar kiredi.