Beton plıtalarynyń kóterilýin toqtatý boıynsha sharalar qabyldandy
«QazAvtoJol» UK» AQ Túrkistan oblystyq fılıalynyń dırektory qyzmetinen bosatyldy. Oǵan jol sapasyna qatysty turǵyndardyń shaǵymy sebep bolǵan. Bul týraly QR Indýstrıa jáne ınfraqurylymdyq damý mınıstrligi Avtomobıl joldary komıteti málimdedi, dep habarlaıdy Almaty-akshamy.kz.
«El turǵyndarynan bolǵan synǵa baılanysty «QazAvtoJol» UK» AQ Túrkistan oblystyq fılıalynyń dırektoryn qyzmetinen bosatý týraly sheshim qabyldandy. Qoǵam tóraǵasynyń orynbasaryna qatań sógis jarıalandy. Sonymen qatar joldardy kútip ustaý sapasyn tıisinshe baqylamaǵany úshin «Jol aktıvteriniń ulttyq sapa ortalyǵy» sharýashylyq júrgizý quqyǵyndaǵy» respýblıkalyq memlekettik kásipornynyń óńirlik fılıal basshysyna qatysty tártiptik sıpattaǵy sharalar qabyldandy», - delingen usynylǵan habarlamada.
Málimet boıynsha, qazirgi ýaqytta beton plıtalarynyń kóterilýin toqtatý boıynsha sharalar qabyldandy. Sondaı-aq mıkrosúrfeısıng tóseý jumystaryn ýaqytsha toqtatý sheshimi qabyldandy. Budan bólek, sement-beton plıtalarynyń arasyn keńeıtetin temperatýralyq tigister kúndelikti tekseriletin boldy.