Osy servıs arqyly jumys berýshiler qajetti qujattardyń elektrondyq paketin suraı alady.
Qazaqstan Úkimeti eńbek resýrstary portalynda jańa servıs engizgizip otyr, dep habarlaıdy Almaty-akshamy.kz.
«hr.enbek.kz eńbek resýrstary portalynda «Qyzmetkerdiń jeke isi» servısi iske qosyldy, onyń kómegimen jumys berýshi jumysqa kandıdattyń nemese qyzmetkerdiń kelisimimen jumysqa ornalasý kezinde qajetti qujattardyń elektrondyq paketin suraı alady, sondaı-aq qyzmetkerdiń basqa jumyspen qamtylýyn teksere alady»,- delingen Eńbekmıni baspasóz qyzmetiniń habarlamasynda.
Jeke tulǵanyń derbes derekterin óńdeýge kelisimin úshinshi tulǵalarǵa berý úshin QR sıfrlyq damý, ınovasıalar jáne aeroǵarysh ónerkásibi mınıstrliginiń derbes derekterge qoljetimdilikti baqylaý servısi arqyly mobıldi azamattar bazasynda tirkelgen qyzmetkerdiń nómirine SMS joldaý arqyly nemese hr.enbek.kz portalynda ESQ kómegimen kelisimge qol qoıý arqyly júzege asyrylady.
Osylaısha, aqysyz negizde kelesi aqparatty alýǵa bolady:
- Jeke kýáliktegi aqparat;
- Fotosýretter;
- Bilim týraly aqparat;
- Psıho-narkologıalyq jáne týberkýlez dıspanserlerinde esepte turǵany týraly aqparat;
- 0/75ý medısınalyq anyqtamadan málimetter;
- Eńbek sharttaryn esepke alýdyń biryńǵaı júıesinen jumys tájirıbesi týraly aqparat;
- Vaksınalaý týraly aqparat.
Jumys berýshi hr.enbek.kz eńbek resýrstary portaly arqyly tańdaý úshin kez kelgen qoljetimdi tegin aqparatty suratýǵa quqyly.
Kadrlyq qamtamasyz etýdiń aqparattyq júıeleri bar jumys berýshilerge Smart Bridge arqyly ıntegrasıalaý arqyly tegin qyzmetke qosylý múmkindigi beriledi.
hr.enbek.kz eńbek resýrstary portalynda 2022 jylǵy maýsymda iske qosylǵan «Qyzmetkerdiń jeke kabıneti» servısi quryldy, onda óz eńbek sharttaryńyzdy kórýge, jumys ornynan anyqtamany júkteýge, sondaı-aq derbes derekterdi óńdeýge kelisimge qol qoıýǵa jáne bolashaqta qashyqtyqtan elektrondyq eńbek shartyn jasasýǵa bolady.
Jumys berýshi úshin portalda eńbek sharttaryn tirkeý, qaraý, túzetýler men tolyqtyrýlar engizý, áleýmettik demalystardy tirkeý, kásiporyndy aýystyrý jáne qaıta uıymdastyrý, jeke isti qalyptastyrý boıynsha servıs fýnksıalary qoljetimdi, sondaı-aq, anonımdi túrde nemese jaqyn arada eńbek zańnamasyn buzý týraly test tapsyrýǵa ruqsat etiledi.