Dáýren Tóltaev qyzylordalyq merdiger kompanıadan aqsha bopsalaǵan degen kúdikke ilindi.
Bul aqparatty Sybaılas jemqorlyqqa qarsy is-qımyl agenttigi rastady, dep habarlaıdy Almaty-akshamy.kz
QazAvtoJol kompanıasynyń Jambyl oblystyq bólimshesi dırektorynyń orynbasary para alý kúdigimen ustaldy.
«Sotqa deıingi tergeýdiń bastalǵany týraly rastaımyz. Qosymsha aqparatty jaqyn ýaqytta habarlaımyz», - dedi agenttik.
Keıbir BAQ-tyń jazýynsha, dırektordyń orynbasary Dáýren Tóltaev qyzylordalyq merdiger kompanıadan aqsha bopsalaǵan.
Buǵan deıin BAQ-ta QazAvtoJol mekemesiniń Jambyl bólimshesinde sybaılas jemqorlyqqa qarsy agenttik alǵashqy qar jaýǵan kezde joldardy tazalaýǵa bólingen qarajattyń urlaný faktisin tekserip jatqany týraly aqparat paıda bolǵan.
Alaıda QazAvtoJol «qysqy jóndeý jumystarynyń ýaqtyly aıaqtalmaǵany úshin jaýapkershilikke tartylady» degen aqparatty joqqa shyǵardy.