Bıylǵy 1 qańtardan bastap Mindetti áleýmettik medısınalyq saqtandyrýǵa tólenetin jarnalar men aýdarymdar mólsheri ózgerdi. Bıyl kim qansha jarna tóleıdi? Jarna kóleminiń ózgerýine ne túrtki boldy? Osy máselege qatysty suraqtarǵa Medısınalyq saqtandyrý qorynyń Almaty fılıaly dırektory Tileýhan Ábildaev jaýap berdi.
Esterińizge sala ketsek, 2024 jyly eń tómengi jalaqy kólemi 85 000 teńgeni quraıdy.
Fılıal basshysy jarna tóleýshilerdiń birneshe sanatyn atap ótti. Birinshisi – memleket tarapynan saqtandyrylatyn 15 jeńildik sanaty. Oǵan balalar, zeınetkerler, UOS ardagerleri, barlyq toptaǵy múgedekter, «Altyn alqa», «Kúmis alqamen» marapattalǵan kóp balaly analar, jumys istemeıtin júkti áıelder, dekrette otyrǵan analar, múgedek bala kútimine baılanysty jumys istemeıtin azamattar, stýdentter t.b. kiredi. Jeńildik berilgen halyqtyń jalpy sany 11 mıllıonǵa jetip jyǵylady. 2024 jyly memlekettiń bir azamatqa tólenetin jarnasy aıyna 5852,63 teńgeni quraıdy
Atap aıtqanda, bıyl jumys berýshiler qaramaǵyndaǵy qyzmetkerler úshin burynǵysha, jalaqynyń 3% mólsherinde aýdarym jasaıdy. Tólemniń shekti mólsheri 10 ETJ nemese 25 500 teńgeden aspaıdy. Jumys berýshi aýdarymdy óz qaltasynan tóleıdi. Al jumyskerler jalaqysynan 2% ustap, qorǵa aýdarady. Jarnanyń shekti mólsheri 10 ETJ nemese 17 000 teńgeden aspaýy tıis.
Odan keıingi sanat – jeke kásipkerler. Notarıýstar, jeke sot oryndaýshylary, advokattar da osy sanatqa kiredi. Olar burynǵysha 1,4 ETJ-nyń 5%-yn tóleıdi. Bıyl eń tómengi jalaqynyń ósýine baılanysty bul soma 5950 teńgege jetti.
Azamattyq-quqyqtyq kelisimshart boıynsha eńbek etetinder saqtandyrýǵa burynǵysha tabysynyń 2%-yn aýdarady.
«Qazaqstanda ózin-ózi jumyspen qamtyǵan azamattar bar. Bul azamattar saqtandyrý júıesine qosylý úshin eki túrli ádisti paıdalansa bolady. Birinshisi – derbes tóleýshi retinde bir ETJ-nyń 5%-yn nemese 4250 teńge tóleý. Ekinshisi – jeke kásipker retinde tirkelý jáne jarnalardy JK retinde tóleý», – dedi Tileýhan Ábildaev.
Saqtandyrý mártebesin kelesi joldarmen tekserýge bolady:
• Qoldau 24/7 mobıldi qosymshasy;
• fms.kz resmı saıty;
• Telegram-daǵy @SaqtandyrýBot;
• 1414 baılanys ortalyǵy;
• Damumed mobıldi qosymshasy;
• Halyk mobıldi qosymshasy;
• BCC.KZ mobıldi qosymshasy;
• Kaspi.kz mobıldi qosymshasy;
• egov.kz elektrondyq úkimet saıty – «Medısınalyq qyzmetterdi tutynýshy retinde qatysý týraly jáne mindetti áleýmettik medısınalyq saqtandyrý júıesinde aýdarymdardyń jáne (nemese) jarnalardyń aýdarylǵan somalary týraly aqparat berý» memlekettik qyzmeti arqyly.