Olar durys eńbek jaǵdaıyn jasaýdy talap etken.
Ushqyshtar ujymda qalyptasqan jaǵdaıdy "katastrofa" dep baǵalap, bas dırektordyń atyna hat jazdy, dep habarlaıdy Almaty-akshamy.kz «Atameken» arnasyna silteme jasap.
Ushqyshtardyń aıtýynsha, kompanıada ushý qaýipsizdigine durys mán berilmeıdi, ujymdaǵy moraldyq jáne psıhologıalyq rýh tómen, basshylyq máselelerdi sheshýge qulyqsyz, al aılyq az.
«Sol basshylyqtyń saýatsyz sheshimderi men nemquraılyǵy saldarynan BQO-da tikushaq apaty boldy», - deıdi hat avtorlary.
Olar birqatar laýazymdy tulǵany jumystan shyǵaryp, jalaqyny kóterýdi, qaýipsizdik sharalaryn kúsheıtip, durys eńbek jaǵdaıyn jasaýdy talap etti.
«Qazavıaqutqarý» basshylyǵy óz kezeginde "ushqyshtardyń talaptaryn estidik, múmkindiginshe oryndaýǵa tyrysamyz" dep ýáde berdi.