Opera ánshisi álemdik jobada óner kórsetti
Qazaqstandyq opera ánshisi álem juldyzdarymen birlesken jobaǵa qatysty, dep habarlaıdy Almaty-akshamy.kz. Qazaqtv.com saıtyna silteme jasap.
Qazaqstannyń vokaldyq klasıkalyq óneri tarıhyndaǵy biregeı oqıǵa. Respýblıkanyń Eńbek sińirgen qaıratkeri, «Astana Opera» teatrynyń opera trýppasynyń dırektory Azamat Jyltyrkózov álemdik deńgeıdegi jobaǵa qatysyp, Vınchenso Bellınıdiń «Pýrıtandar» shyǵarmasynyń aýdıojazbasyn ázirleýge úles qosty.
Ataqty týyndyny qazaqstandyq ónerpazben birge tenor Loýrens Braýnlı jáne soprano Sara Kobýrn syndy belkanto juldyzdary oryndady. Sheteldik sarapshylardyń aıtýynsha, iriktelgen quramnan eń myqty ujym qalyptasty.
CD-dısk jazý ıdeıasy – Nú-Iork operasynyń mýzykalyq dırektory Konstantın Orbelánnyń bastamasy.
«Vınchenso Bellınıdiń «Pýrıtandar» aýdıojazbasynda Rıkardo partıasyn oryndadym. Menimen birge amerıkalyq jáne eýropalyq ánshiler de qatysty», - dedi «Astana Opera» opera trýppasynyń dırektory Azamat Jyltyrkózov.