Qalamgerdiń tuńǵysh shyǵarmasy - Uly Otan soǵysy taqyrybyna arnalǵan
Qazaqtyń kórnekti jazýshysy Ábdijámil Kámiluly Nurpeıisov ómirden ótti, dep habarlaıdy Almaty-akshamy.kz tilshisi.
Bul jóninde Qazaqstan Jazýshylar Odaǵy Basqarma tóraǵasynyń birinshi orynbasary Aqberen Elgezek málim etti. Jazýshy Almatyda jerlenedi.
Á Nurpeıisov 1924 jyly 22 qazanda Qyzylorda oblysy Aral aýdanynyń Qulandy aýyldyq keńesine qarasty Úshkóń degen jerde dúnıege kelgen.
1942-1945 jyldary Uly Otan soǵysyna qatysqan. 1956 jyly M.Gorkıı atyndaǵy Ádebıet ınstıtýtyn bitirgen. 1962-1964 jyldary «Juldyz» jýrnalynyń bas redaktory boldy. Halyqaralyq Qazaq PEN klýbyna jetekshilik jasady.
Ádebıetke 1947 jyldan aralasa bastaǵan qalamgerdiń tuńǵysh shyǵarmasy - Uly Otan soǵysy taqyrybyna arnalǵan «Kýrlándıa» romany 1950 jyly jaryq kórdi. Bul shyǵarmasy úshin jazýshyǵa Jambyl atyndaǵy respýblıkalyq syılyq berildi. «Kýrlándıa» romanyn keıinnen óńdep, tolyqtyryp, 1958 jyly «Kútken kún» degen atpen qaıta jarıalady. «Qan men ter» trılogıasy (1-kitap – «Ymyrt», 1961; 2-kitap – «Sergeldeń», 1964; 3-kitap – «Kúıreý», 1970) jáne «Seń» (1983), «Sońǵy paryz» (1999) romandary dúnıe júzi halyqtarynyń kóptegen tilderine aýdarylǵan.
Tańdamaly ádebı-syn maqalalary «Tolǵaý» (keıinnen «Júregi toly jyr edi») degen atpen qazaq jáne orys tilderinde jeke kitap bop shyqty (1972), 1985 jyly «Aqbıdaı týraly ańyz» atty ocherkter jınaǵy jaryq kórdi.
A.P.Chehovtyń, A.M.Gorkııdiń, Nazym Hıkmettiń, ıspan jazýshysy A.Kesonyń shyǵarmalaryn qazaq tiline aýdarǵan.
KSRO Memlekettik syılyǵynyń laýreaty (1974). 2001 jyly Máskeýdegi Halyqaralyq Ádebı qordyń «Za chestı dostoınstvo», 2003 jyly Halyqaralyq M.Sholohov atyndaǵy syılyqtardyń laýreaty atandy. Kóptegen orlen-medaldarmen marapattaldy. 1985 jyly Qazaq KSR Halyq jazýshysy qurmetti ataǵy berildi.