Qazaqtyń uly álemdi tańǵaldyrýda!
Germanıanyń tanymal baspasy qazaqstandyq kompozıtordyń partıtýrasyn shyǵardy, dep habarlaıdy Almaty-akshamy.kz Qazaqtv.com caıtyna silteme jasap.
Qazaqstandyq kompozıtordyń týyndylaryn «Verlag Neue Musik» Germanıanyń bedeldi mýzykalyq baspasy basyp shyǵarady. Rahat-bı Ábdisaǵynnyń organǵa jazǵan partıtýrasy osy eldiń barlyq mýzyka dúkeninde satylady. Sondaı-aq eldiń Ulttyq kitaphanasy jáne konservatorıalar men ýnıversıtetterine tabystalady. Osyǵan deıin bul baspa Rahat-bı Ábdisaǵynnyń sybyzǵy jáne gıtaraǵa arnalǵan týyndylaryn da jarıalaǵan edi.
Jalpy, «Verlag Neue Musik» 60 jyl boıy ataqty klasıktermen qatar daryndy jas kompozıtorlardyń shyǵarmalaryn shyǵaryp keledi.
«Verlag Neue Musik» baspasynyń shef-redaktory Krıstof Taggats otandasymyzdyń darynyn erekshe baǵalaýda.
«Bethoven sekildi klasıktermen qatar, Germanıa, Italıa, Fransıa jáne Anglıanyń belgili zamanaýı kompozıtorlarynyń týyndylaryn basyp shyǵaramyz. Rahat-bı Ábdisaǵyn – biz áriptestik ornatqan alǵashqy qazaqstandyq kompozıtor. Onyń darynyn burynnan beri bilemiz. Jeke ózim onymen tanyspyn. Mýzykasyn tyńdaǵanda, shyǵarmalarynyń biregeı stılin tanımyn. Óziniń dara tili bar. Satýmen qatar, onyń eńbekterin konservatorıalardyń dosentterine tabystaımyz. Stýdentterge kórsetýge bolady», - dedi shef-redaktor Krıstof Taggats.