3 tamyzda Qazaqstannyń úsh qalasynda qolaısyz meteorologıalyq jaǵdaı kútiledi, - dep habarlaıdy Almaty-akshamy.kz Tengrinews.kz-ke silteme jasap.
Aýa raıy boljamyna sáıkes, dúısenbide Almatyda, Aqtóbede, túnde Atyraý qalasynda qolaısyz meteorologıalyq jaǵdaıǵa baılanysty aýanyń lastanýy kútiledi. Bul qalalarda aýa raıy atmosferada lastaýshy zattardyń jınalýyna yqpal etedi.
Qolaısyz meteorologıalyq jaǵdaılar - atmosferalyq aýanyń betki qabatynda zıandy zattardyń shoǵyrlanýyna yqpal etetin qysqa merzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.