Ulttyq pavılon qazaqstandyq óndirýshilerge óz ónimin ınternet arqyly kedergisiz satyp, jarnamalaýǵa múmkindik beredi.
Alibaba.com saýda platformasynda Qazaqstannyń ulttyq pavılony ashyldy, dep habarlaıdy Almaty-akshamy.kz
Pavılonnyń ashylýyna oraı Zoom-konferensıa formatynda ótken jıynǵa QR Saýda jáne ıntegrasıa vıse-mınıstri Qaırat Tórebaev, QazTrade AQ Bas dırektory Aazamat Asqaruly, Alibaba.com vıse-prezıdenti Endrú Jeng qatysty.
Vıse-mınıstr Qaırat Tórebaev búgingi tańda elektrondyq komersıa qarqyndy damyp kele jatqanyn, Qazaqstannyń álemdik trendpen birge tynystaýǵa daıyn ekenin atap ótti.
«Alibaba» alańynda ulttyq pavılonnyń ashylýy sheteldik satyp alýshylar tarapynan Qazaqstan ónimderine joǵary suranys bar ekenin rastady», - dedi vıse-mınıstr.
Al «QazTrade» AQ bas dırektory Azamat Asqarulynyń aıtýynsha, otandyq kompanıalardyń ónimin marketpleıster arqyly tanytý tıimdiligin kórsetip otyr. Elektrondyq alańdarda saýda jasaı bastaǵan kompanıalardyń satý kórsetkishi jaqsara túsken.
Qazir Alibaba.com bazasyndaǵy Qazaqstannyń ultty pavılonynda 130 qazaqstandyq kompanıa «altyn» mártebeli jetkizýshi retinde tirkelgen. Olar 7500-den astam taýardy ǵalamdyq platforma arqyly satyp otyr.
TMD men Eýrazıalyq ekonomıkalyq odaq elderiniń arasynda Qazaqstan Reseı Federasıasynan keıin Alibaba.com alańynda pavılonyn ashqan ekinshi el Alibaba - aınalymy 106 mlrd dollar bolatyn, «B2B» formaty onlaın taýar satatyn platforma.