«Omıkron» nusqasynyń jańa formalary shyǵyp jatyr.
Mamandar jaz bastalysymen koronavırýstyń jańa tolqyny bolady dep boljap otyr. Sebebi Eýropa elderinde KVI juqtyrǵandar sany ósip kele jatyr, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Koronavırýstyń jańa tolqyny demalys maýsymyna áser eteri sózsiz. Statısıkaǵa arnalǵan «Our World in Data» saıtynyń derekteri boıynsha Portýgalıa, Germanıa, Fransıa, Italıa, Ispanıa, Gresıa, Danıa jáne Nıderlandyda koronavırýsty juqtyrýdyń sany edáýir artýda.
Portýgalıa
Portýgalıa mamyr aıynyń ortasynan bastap ınfeksıanyń ósýimen kúresýde. Elde áli kúnge deıin Eýropada tirkelgen ınfeksıany juqtyrý jaǵdaılarynyń eń joǵary aptalyq kórsetkishi saqtalýda. «Omıkronnyń BA.5» jańa qosymsha nusqasy koronavırýstyń taralý kórsetkishiniń joǵarylaýyna sebep boldy. Portýgalıada 90% anyqtalǵan juqtyrý jaǵdaılary qazir osy vırýstyń túrinen týyndaǵan.
«Portýgalıada juqtyrýdyń aptalyq ındıkatorymen birge ólim-jitim de ósti. «Our World in Data» málimetterine sáıkes, elde barlyq Batys Eýropa elderiniń halqy arasynda turǵyndar sanyn esepke alǵandaǵy eń joǵary ólim-jitim bolyp tabylady»,- delingen habarlamady.
Germanıa
Germanıada 100 000 turǵynǵa shaqqandaǵy syrqattanýshylyqtyń aptalyq kórsetkishi 400-den asady. Robert Koha atyndaǵy ınstıtýt sońǵy kúnderi 119 000 jańa koronavırýsty juqtyrǵandar týraly habarlady. Buǵan BA.4 jáne BA.5. nusqalary sebep bolýy múmkin. Biraq ınstıtýt basshysy orynbasarynyń aıtýynsha, qorǵanys sharalaryn alyp tastaý koronavırýstyq jaǵdaıdyń nasharlaýyna yqpal etedi.
«Italıada aýrýdyń aptalyq ındıkatoryna sáıkes, jańadan juqtyrǵandardyń sany da kúrt ósti. Italıada ol ekinshi apta qatarynan kóterilýde, vırýstyń taralý jyldamdyǵy taǵy da epıdemıa deńgeıine jetti», - dep habarlady Italıa Densaýlyq saqtaý mınıstrligi.