Bul sheshim mólsherleme traektorıasyn túzetedi.
Qazaqstannyń Ulttyq banki bazalyq mólsherlemeni 16%-ǵa deıin kóterý týraly sheshim qabyldady, dep habarlaıdy Almaty-akshamy.kz.
«Qazaqstan Respýblıkasy Ulttyq Bankiniń Aqsha-kredıt saıasaty komıteti bazalyq mólsherlemeni +/– 1 p.t. paıyzdyq dálizimen jyldyq 16%-ǵa deıin kóterý týraly sheshim qabyldady. Tıisinshe, ótimdilikti usyný jónindegi turaqty qoljetimdi operasıalar boıynsha mólsherleme 17%, al ótimdilikti alý jónindegi turaqty qoljetimdi operasıalar boıynsha mólsherleme – 15% bolady», - delingen Ulttyq bank baspasóz qyzmetiniń habarlamasynda.
Mamandardyń habarlaýynsha, sheshim mólsherleme traektorıasyn túzetedi, ol aldyńǵy sheshimder men komýnıkasıalar boıynsha aıqyndalǵan baǵyt pen qarqyndy saqtaıdy.
«Mólsherlemeniń artýy ósip otyrǵan ınflásıalyq qysymdy kórsetetin faktorlardyń jıyntyǵyna baılanysty. Qyrkúıek aıynyń nátıjesi boıynsha ınflásıa boljamnan aıtarlyqtaı asyp tústi. Sheshim qabyldaýǵa negizgi faktorlar joǵary ınflásıalyq boljamdar, ornyqty suranys, fıskaldyq serpin, turaqty taýar jetkizý joldaryna qaıta baǵyttaýǵa baılanysty óndiris shyǵystarynyń ósýi, syrtqy ınflásıanyń jalǵasyp otyrǵan áseri, onyń ishinde saqtalyp otyrǵan Reseı rýbli baǵamynyń kúsheıýi boldy. Joǵarylaǵan ınflásıalyq boljamdar baǵa men tutynýǵa qysym jasaıdy. Munyń bári 2023 jyly ınflásıalyq prosesterdiń baqylanýyn saqtaý úshin barynsha qatań aqsha-kredıt talaptaryn qajet etedi»,-dep túsingen mamandar.
Bazalyq mólsherlemeni arttyrý ekonomıka sýbektileriniń jınaqtaý belsendiligine qoldaý kórsetip, ishki valúta naryǵyndaǵy teńgerimge yqpal ete otyryp, 1-2 jyldyq kidirispen áser etedi.