Jolshylar kúsheıtilgen jumys rejımine kóshken
Aýa raıynyń kúrt buzylýyna baılanysty Qazaqstannyń tórt óńirinde jol jabyldy, dep habarlaıdy Almaty-akshamy.kz.
«QazAvtoJol» ulttyq kompanıasy taratqan málimetke sensek, Shyǵys Qazaqstan, Jetisý, Qaraǵandy jáne Abaı oblystarynda boranǵa baılanysty respýblıkalyq mańyzy bar joldardyń ýchaskelerinde kólik qozǵalysy shektelgen.
Atap aıtqanda búgin keshki 18.30-dan bastap Abaı oblysynda «Almaty-Óskemen» tasjolynyń Jetisý oblysynyń shekarasynan Aıagóz qalasyna deıingi aralyǵy, Aıagózden Qalbataý aýylyna deıingi, Qalbataýdan SHQO shekarasyna deıingi ýchaskesi jabyldy.
Sondaı-aq «Taskesken-Baqty» jolynyń 0-184 shaqyrym aralyǵy jabyq.
Jetisý oblysynda «Almaty-Óskemen» jolynyń Úsharal qalasynan Abaı oblysy shekarasyna deıingi aralyǵynda kólik qozǵalysyna tyıym salynǵan.
Odan bólek Shyǵys Qazaqstan oblysynda «Almaty-Óskemen» avtojolynyń Abaı oblysy shekarasynan Qasym Qaısenov aýylyna deıingi aralyǵy jabylǵan.
«Óskemen-SHemonaıha-Reseı shekarasy» jolynyń 105-123 shaqyrym aralyǵynda da qozǵalysqa shekteý qoıyldy.
Bul - Shemonaıha qalasynan Reseı Federasıasy shekarasyna deıingi ýchaske.
Sonymen qatar saǵat 19.00-den bastap Qaraǵandy oblysyndaǵy «Qaraǵandy-Balqash» tasjolynda júk jáne qoǵamdyq kólik qozǵalysyna shekteý engizildi
Aıta keteıik, qazir joldarda 60 arnaıy tehnıka jumys istep jatyr. Qajet bolǵan jaǵdaıda tehnıa sanyn arttyrý kózdelip otyr.
Jolshylar kúsheıtilgen jumys rejımine kóshken.
Esterińizge sala keteıik, respýblıkalyq jolda shtattan tys jaǵdaı týyndasa, kólik ıeleri 1403 nómiri boıynsha táýlik boıy jumys isteıtin call-ortalyqqa habarlasa alady.