Olardyń jalaqysy azdap ósken
2024 jylǵy sáýir-maýsym aılarynda memlekettik basqarý, qorǵanys jáne áleýmettik qamsyzdandyrý salasynda 507,7 myń qazaqstandyq jumys istegen, bul ótken jyldyń ekinshi toqsanymen salystyrǵanda 4%-ǵa az, dep habarlaıdy aqshamnews.kz Ranking.kz-ke silteme jasap.
Olardyń ortasha jalaqysy jyl ishinde nomınaldy túrde 5,2%-ǵa ósip, aıyna 316,6 myń teńgeni qurady. Alaıda, naqty mánde bul kórsetkish 3%-ǵa qysqardy.
Sektor qyzmetkerleri eń kóp jalaqyny Astana qalasynda (515,6 myń teńge, jyldyq ósim 3,2%), Almatyda (344,1 myń teńge, +10,7%) jáne Qyzylorda oblysynda (333,8 myń teńge, +4,1%) alǵan.
Eń tómengi jalaqy kórsetkishteri boıynsha antılıderler qataryna Jetisý oblysy (252,8 myń teńge), Shymkent qalasy (265,9 myń teńge) jáne Abaı oblysy (272,5 myń teńge) engen.
Analıtıkterdiń aıtýynsha, 2019-2022 jyldar aralyǵynda atalǵan sektordaǵy jalaqy jyldam qarqynmen ósip, keıde eki tańbaly kórsetkishke jetken. Alaıda, ótken jyldan bastap bul ósim baıaýlaǵan.