Densaýlyq saqtaý mınıstrligi "Halyq densaýlyǵy jáne densaýlyq saqtaý júıesi týraly" QR Kodeksine Densaýlyq saqtaý ınfraqurylymyn jaqsartý jáne shalǵaıdaǵy aýyldyq eldi mekenderde jáne aýyldyq densaýlyq saqtaý obektilerinde dári-dármekterge qoljetimdilik deńgeıin arttyrý boıynsha ózgerister men tolyqtyrýlar engizýdi usyndy, dep habarlaıdy Almaty-akshamy.kz Elorda.info-ǵa silteme jasap.
Memleket basshysy múgedek azamattardyń ómir súrý sapasyn jaqsartý úshin qosymsha sharalar qabyldaýdy kózdeıtin zańǵa qol qoıdy, onda kodekske engizilgen ózgerister eskerilgen.
Mınıstrlikpen kodekske ózgerister men tolyqtyrýlar jobasyn ázirleý kezinde preparattardy satyp alý úshin aýdan ortalyqtaryna júginýge májbúr aýyl turǵyndarynyń qajettilikteri eskerildi.
Kodekske engizilgen ózgerister aýyl turǵyndarynyń dári-dármekpen qamtamasyz etýge qoljetimdiligin arttyrady jáne olardy satyp alý úshin iri eldi mekenderge barý qajettigine baılanysty shyǵyndardy azaıtady.
Dárihanalar joq aýyldyq eldi mekenderdegi dárilik zattar men medısınalyq buıymdar medısınalyq-sanıtarıalyq alǵashqy, konsýltasıalyq-dıagnostıkalyq kómek kórsetetin densaýlyq saqtaý uıymdaryndaǵy dárihana pýnktteri nemese jyljymaly dárihana pýnktteri arqyly ótkiziletin bolady.
Densaýlyq saqtaý mınıstrligi, jergilikti atqarýshy organdar jáne basqa da múddeli memlekettik organdar dárilik saıasatty jetildirý boıynsha odan ári sharalar qabyldaıtyn bolady.
Aıta keteri, statısıkalyq derekterge sáıkes, qazirgi ýaqytta Qazaqstan halqynyń shamamen 40%-y aýyldyq jerlerde turady, bul rette árbir úshinshi eldi mekende dárihanalar joq.