Qazaqstandyq ánshiniń fanattary bir aptada 130500 teńge jınaǵan.
Dımash Qudaıbergenniń DQFCB fan-klýby Pernambýkodaǵy sý tasqynynan zardap shekken 26 otbasyna azyq-túlik berdi, dep habarlaıdy Almaty-akshamy.kz Dimashnews.com silteme jasap.
Maýsym aıynda Dımash Qudaıbergenniń Brazılıadaǵy fan-klýby sý tasqynynan zardap shekkenderge kómek kórsetý maqsatynda qaıyrymdylyq aksıasy bastalǵanyn jarıalaǵan bolatyn.
Bir aptanyń ishinde Dears birigip 1450 real (~130500 teńge) jınady, ol azyq-túlik pen alǵashqy kezektegi qajet zattardy satyp alýǵa jumsaldy.
2022 jyldyń 3 shildesinde fan-klýb músheleri Iasmım Gabrıellı men Zoraıa Alves Pernambýko shtatyndaǵy Igarazý qalasynan 26 otbasyna azyq-túlik syılady.
Brazılıadaǵy Dımash fan-klýby qaıyrymdylyq aksıasyna qatysqan barlyq qamqor Dears-qa shyn júrekten alǵysyn bildirdi, sondaı-aq osy qıyn ýaqytta barlyq muqtaj adamdarǵa kómek kórsetýge daıyn ekenin aıtty.