Premer-Mınıstrdiń orynbasary – Saýda jáne ıntegrasıa mınıstri Serik Jumanǵarın Qytaıǵa saparmen barady. Bul týraly Syrtqy ister mınıstrliginiń resmı ókili Aıbek Smadıarov aptalyq brıfıńide aıtty, dep habarlaıdy Almaty-akshamy.kz.
«2023 jylǵy 13-17 tamyzda taýar aınalymyn ulǵaıtý jáne Qytaı tarapymen saýda-ekonomıka baılanystaryn jolǵa qoıý maqsatynda QR Premer-Mınıstriniń orynbasary – Saýda jáne ıntegrasıa mınıstri Serik Jumanǵarınniń Qytaı Halyq Respýblıkasynyń – Shenchjen, Shandýn, Beıjiń jáne Úrimshi qalalaryna jumys sapary josparlanýda», - dedi resmı ókil.
Sapar aıasynda birlesken kásiporyndar qurý, et ónimderiniń eksportyn ulǵaıtý, ınvestısıalar tartý jáne kólik-logıstıka yntymaqtastyǵy salasynda ekijaqty kelissózder júrgizý josparlanýda.
Sonymen birge qazaqstandyq delegasıa Úrimshi qalasynda ótetin «Qytaı-Eýrazıa» EKSPO halyqaralyq kórmesine barady.