Almaty oblysynyń Qarasaı aýdanynda medbıkeniń ólimine kúdikti er adam ustaldy, dep habarlaıdy Almaty-akshamy.kz polisia.kz-ke silteme jasap.
«7 tamyz kúni saǵat 17:00 shamasynda Qarasaı aýdanynyń aýrýhanasyna keýde qýysynda suǵylyp-kesilgen jaraqattary bar 45 jastaǵy áıel túskenin, keıin ol alǵan jaraqaty saldarynan qaza bolǵanyn habarlaımyz.Atalǵan derek QR Qylmystyq kodeksiniń 99-baby (Kisi óltirý) boıynsha aýdandyq polısıada tirkeldi. Arnaıy is-shara barysynda tártip saqshylary kúdikti – Koshmambet aýylynyń 42 jastaǵy turǵynynyń jeke basyn anyqtap, ony bir saǵat ishinde «izin sýytpaı» ustady.
Atalǵan derekti tergeýdiń tolyqtyǵyn, jan-jaqtylyǵyn jáne obektıvtiligin qamtamasyz etý maqsatynda sot-medısınalyq saraptama taǵaıyndalyp, tergeý is-sharalary júrgizilip jatyr»,- dep habarlady polısıadan.
Qylmys marqum áıeldiń jumys ornynda jasalǵan.
«Ustalǵan er adamnyń aıtýynsha, bolǵan oqıǵa jeke qarym-qatynasqa baılanysty jáne onyń áıeldiń kásibı qyzmetine qatysy joq. QR Qylmystyq is júrgizý kodeksiniń 201-babyna sáıkes ózge aqparat jarıa etýge jatpaıdy», - delingen málimette.