QR Ortalyq saılaý komısıasynyń Tóraǵasy Nurlan Ábdirov Almaty qalasyna keldi.
Almaty – jastar qalasy. Osyny eskere otyryp, Ortalyq saılaý komısıasynyń basshysy 18 sáýirde Ál-Farabı atyndaǵy Qazaq ulttyq ýnıversıtetiniń stýdentterimen kezdesti. Kezdesý kóshbasshylyq dáris formatynda ótti.
Ortsaılaýkom Tóraǵasy «Qazaqstannyń saılaý júıesin damytýdyń ózekti trendteri» atty taqyrypta dáris oqydy. Dáris bir jarym saǵatqa sozyldy. Stýdentter úshin bul uzaq ýaqyt bola tura, qatysýshylar qadirli qonaqtyń sózderin uıyp tyńdady. Kóshbasshylyq dáris Ortalyq saılaý komısıasy men elimizdiń saılaý júıesiniń damýyn ushtastyra ótti. Spıker saılaý komısıasy qurylǵannan búginge deıingi aralyqtaǵy ózgerister jaıly baıandady. Sonymen qatar, byltyr OSK óziniń 30 jyldyǵyn atap ótken edi. Osy oraıda Nurlan Ábdirov Ortalyq saılaý komısıasy janyndaǵy Sarapshylyq keńestiń músheleri Halıda Ájiǵulova, Edýard Muhamedjanov jáne Leıla Januzaqovaǵa Alǵys hattardy tabystady. İs-sharaǵa QR OSK janyndaǵy Sarapshylyq keńestiń músheleri men ýnıversıtettiń profesorlyq-oqytýshylyq quramy, stýdentter qatysty. Kezdesý sońynda stýdentter arasynda saılaý salasy máseleleri boıynsha onlaın-saýalnama júrgizildi.