Bıyl alǵash ret «Bolashaq» halyqaralyq stıpendıasyna jáne «500 ǵalym» taǵylymdamasyna qujat qabyldaý úzdiksiz júrgiziledi.
2024 jyly qujat qabyldaý rásimi 29 sáýirde bastalyp, 25 qazanda aıaqtalady. İrikteý 10 mamyrdan 30 qarashaǵa deıin júrgiziledi, dep habarlaıdy Almaty-akshamy.kz.
«Bolashaq» stıpendıasyna qujattar eGov.kz. portaly arqyly qabyldanady, al «500 ǵalym» taǵylymdamasy boıynsha ótinimder alǵash ret bolashak.gov.kz-tegi «Úmitkerdiń jeke kabıneti» bóliminde onlaın júrgiziledi. Basymdyq ınjenerlik-tehnıkalyq jáne medısınalyq mamandyqtarǵa beriledi, - dep jazylǵan habarlamada.
Bıyl «Bolashaq» baǵdarlamasyna 555 stıpendıa bólindi. Onyń ishinde 395 stıpendıa magıstratýra jáne rezıdentýraǵa, 50 stıpendıa doktorantýraǵa, 110 stıpendıa taǵylymdamadan ótýge bólindi.
Basym mamandyqtar tizbesi ortalyq jáne jergilikti memlekettik organdardyń ótinimi, qysqa merzimdi jáne uzaq merzimdi damý strategıasy men jospary boıynsha qalyptastyryldy.
Sondaı-aq «500 ǵalym» baǵdarlamasy qazaqstandyq ǵalymdarǵa álemniń bedeldi ýnıversıtetterinde biliktiligin arttyrýǵa múmkindik beredi. Jyl saıyn atalǵan baǵdarlamaǵa 500 stıpendıa bólinedi.
Úmitkerlerge qoıylatyn talaptardy, basymdyq beriletin mamandyqtar tizbesin, ýnıversıtetter men ǵylymı ortalyqtardyń tizimin bolashak.gov.kz saıtynan kórýge bolady.