Parlament Konstıtýsıalyq ózgeristerdi qabyldady: Prezıdent 7 jylǵa saılanady, Astana ataýy qaıtarylady
Parlament palatalarynyń birlesken otyrysynda «Qazaqstan Respýblıkasynyń Konstıtýsıasyna ózgerister men tolyqtyrý engizý týraly» Qazaqstan Respýblıkasynyń Zańyn qabyldady, dep habarlaıdy QazAqparat tilshisi.
Aıta keteıik, QR Ádilet mınıstri Qanat Mýsın usynǵan zań jobasy bes bapqa ózgerister engizýdi jáne bir bappen tolyqtyrýdy kózdeıdi.
Sonymen, birinshiden, Prezıdenttiń mandatyn qaıta saılaný múmkindiginsiz bir merzimge shekteý osy zań jobasy kúshine engennen keıin jeti jyl merzimge Prezıdent bolyp saılaǵan adamdarǵa qoldanylady.
Ekinshiden, Nur-Sultan qalasynyń ataýy qaıtadan Astana bolyp ózgeredi.
Úshinshiden, Konstıtýsıalyq Sottyń sýdıalary qaıta taǵaıyndalýyna shekteý qoıa otyryp, Konstıtýsıalyq Sot sýdıalarynyń ókilettik merzimderin 8 jylǵa deıin ulǵaıtylady.
Konstıtýsıaǵa engiziletin ózgeristerdi Senattyń 50 depýtatynyń 50-i, Májilistiń 99 depýtatynyń 98-i qoldap daýys berdi.