Qujat qol qoıylǵan kúninen bastap qoldanysqa engiziledi.
Reseıdegi Qazaqstannyń saýda ókildigin taratý týraly Úkimet qaýlysy shyqty, dep habarlaıdy Almaty-akshamy.kz
"Qazaqstan Respýblıkasynyń Saýda jáne ıntegrasıa mınıstrliginiń "Qazaqstan Respýblıkasynyń Reseı Federasıasyndaǵy Saýda ókildigi" memlekettik mekemesi taratylsyn", - dep jazylǵan qaýlyda.
Eske salsaq, qańtardyń basynda Qazaqstan Reseıdegi saýda ókildigi mekemesin taratatyny habarlanǵan bolatyn.
Qarjy mınıstri Erulan Jamaýbaev bul sheshimniń sebebin: "Artyq qurylymdardy ońtaılandyrý júrip jatyr. Elimizdiń Reseımen tyǵyz qarym-qatynasta ekeni týraly aıtylǵanda Eýrazıalyq ekonomıkalyq komısıanyń bolýyn bildirgen bolatyn. Onda barlyq baǵyttar boıynsha óte saýatty adamdar jumys isteıdi, sonyń ishinde kásipkerlik qyzmet boıynsha Máskeýde bul máseleni sheshe alatyn adamdar da bar", - dep túsindirgen edi.