Almaty polıseıleri qalta urylaryn qolǵa túsirdi.
Qalta urylary qylmys jasap bolǵan soń ustaldy, dep habarlaıdy Almaty-akshamy.kz Polisia.kz-ke silteme jaap
«Eki kúdikti de Áýezov aýdandyq polısıa basqarmasynyń polıseılerimen jáne arnaıy top qyzmetkerlerimen ustaldy. 26 jastaǵy M. esimdi azamat, 119-baǵyttaǵy qoǵamdyq kólikte jolaýshynyń IPhone telefonyn urlap, sol arqyly 500 myń teńge kóleminde materıaldyq shyǵyn keltirgen. Onyń taǵy bir “áriptesi” 37 jastaǵy I. esimdi azamat, 45-shi baǵyttaǵy qoǵamdyq kólikte qylmys ústinde ustaldy. Onda jas qyz uıaly telefonynan aıyrylyp qala jazdaǵan. Kúdikti onyń Samsung telefonyn urlamaq bolǵan», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Qazirgi tańda eki derek boıynsha da sotqa deıingi tergeý amaldary júrgizilip jatyr. Kúdiktiler qamaýǵa alyndy. Sonymen qatar polısıa qyzmetkerleri kúdiktilerdiń qala aýmaǵynda jasalǵan osyǵan uqsas basqa da qylmystarǵa qatysy bar-joǵyn anyqtap jatyr. QR QPK-niń 201 babynyń talaptaryna, sondaı-aq QR Konstıtýsıasynyń normalaryna sáıkes, qylmystyq is boıynsha ózge de málimetter jarıa etýge jatpaıtynyn habarlaıdy.