2023 jyldyń İ toqsanynda elimizdiń memlekettiń boryshtyq mindettemeleri 4,3%-ǵa ósti.
Bul týraly Ekonomıkalyq zertteýler ınstıtýtynyń esebinen belgili boldy, dep habarlaıdy Almaty-akshamy.kz Ulysmedia.kz-ke silteme jasap.
Esepke súıensek, Qazaqstannyń memlekettik qaryzynyń jalpy somasy 26,4 trln teńgege jetken (58,9 mlrd dollar).
2022 jyldyń aıaǵymen salystyrǵanda memlekettik qaryz 1,1 trln teńgege nemese 4,3%-ǵa ósti. Ótken jyldyń birinshi toqsanymen salystyrǵanda ósim 21,8% qurady.
2023 jyldyń 1 toqsanynyń qorytyndysy boıynsha memlekettik boryshtyń qurylymy kelesideı:
Úkimettiń boryshy – 22,7 trln teńgeni nemese memlekettik boryshtyń 86%-y.
Ulttyq Banktiń boryshy – 2,6 trln teńge nemese memlekettik boryshtyń 10%-y.
Úkimettiń qaryzyna qyzmet kórsetý shyǵyndary da ósti. 2023 jyldyń İ toqsanynyń qorytyndysy boıynsha, bul shyǵyndar 559,6 mlrd teńgeni qurady, bul ótken jyldyń sáıkes toqsanymen salystyrǵanda 154,3 mlrd teńgege nemese 38,1%-ǵa artyq.