"Dańk" ordenin Halyqaralyq Túrki mádenıeti men murasy qorynyń prezıdenti Aqtoty Raıymqulova ıelendi.
Búgin QR Prezıdenti Sadyr Japarovtyń Qazaqstanǵa resmı sapary aıasynda Qazaqstannyń mádenıet qaıratkerlerine memlekettik nagradalar tabystaý rásimi ótti, dep habarlaıdy almaty-akshamy.kz QR Mádenıet jáne aqparat mınıstrliginiń baspasóz qyzmetine silteme jasap.
Saltanatty is-shara barysynda Qyrǵyz Respýblıkasynyń Memlekettik hatshysy Súıinbek Qasmambetov mádenıet jáne óner ókilderin memlekettik nagradalarmen marapattaý ǵasyrlarǵa ulasqan dostyqtyń, ortaq mádenıettiń, damyp kele jatqan yntymaqtastyqtyń belgisi ekenin atap ótti. Sonymen qatar, mádenı-gýmanıtarlyq baılanystardyń qarqyndy damýyna baǵyttalǵan qadam retinde qarastyrylýy kerek ekenin sóz etti.Qyrǵyz Respýblıkasy men Qazaqstan Respýblıkasy arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin Qyrǵyz Respýblıkasy Prezıdentiniń jarlyǵymen:
Qazaqstan Respýblıkasynyń qoǵam qaıratkeri, mádenıettanýshy Murat Áýezov,
kórnekti aqyn, dıplomat, Qazaqstan Respýblıkasynyń Qyrǵyz Respýblıkasyndaǵy burynǵy elshisi Muhtar Shahanov "Danaker" ordenimen marapattaldy.
Al "Dostýk" ordeni:
pýblısıs, ádebıettanýshy, jýrnalıs, kınosynshy, Qazaqstan Respýblıkasy Parlamenti Májilisiniń burynǵy depýtaty Saýytbek Ábdirahmanovqa,
Qazaqstan Respýblıkasynyń memleket jáne qoǵam qaıratkeri, túrkitanýshy ǵalym Myrzataı Joldasbekovke,
Ál-Farabı atyndaǵy Qazaq ulttyq ýnıversıtetiniń basqarma tóraǵasy, rektor Janseıt Túımebaevqa tabystaldy.
"Dańk" ordenin Halyqaralyq Túrki mádenıeti men murasy qorynyń prezıdenti Aqtoty Raıymqulova ıelendi. Sondaı-aq, "Qyrǵyz Respýblıkasynyń Halyq ártisi" qurmetti ataǵy qazaqstandyq belgili kompozıtor Altynbek Qorazbaevqa, tanymal estrada ánshisi, kınoaktrısa Roza Rymbaevaǵa berildi.
Ánshi Roza Rymbaeva mádenıettiń shekarasy joq ekenin atap ótti.
"1996 jyly maǵan Qyrǵyzstannyń eńbek sińirgen mádenıet qaıratkeri ataǵy berildi. 28 jyldan keıin 2Qyrǵyz Respýblıkasynyń Halyq ártisi" qurmetti ataǵyn alyp otyrmyn. Bul men úshin úlken jetistik", – dedi ol.
"Tań-SHolpan" kórkem-ádebı jýrnalynyń redaktorlar keńesiniń tóraǵasy, bas dırektory Dıdar Qulkenov "Dańk" medalimen marapattaldy.