Qazaqstanda 2 mln 364 myń adam pensıa alady.
Elimizde jyl basynan beri 2 mln 364 myń adamǵa 926 mlrd teńgeden astam somaǵa zeınetaqy tólendi, dep habarlaıdy Almaty-akshamy.kz Eńbek jáne halyqty áleýmettik qorǵaý mınıstrligine silteme jasap.
Onyń ishinde bazalyq zeınetaqy tóleýge – 291,4 mlrd teńge, yntymaqty zeınetaqy tóleýge – 635,1 mlrd teńge qarastyryldy.
1 sáýirdegi jaǵdaı boıynsha jıyntyq zeınetaqynyń ortasha mólsheri 132 595 teńge boldy. Onyń ishinde yntymaqty zeınetaqy mólsheri – 89 901 teńge, bazalyq zeınetaqy – 42 694 teńge.
2018 jylǵy 1 shildeden bastap memlekettik bazalyq zeınetaqy tólemi zeınetaqy júıesindegi ótili eskerilip, zeınetaqy taǵaıyndaldy.
Mınıstrliktiń habarlaýynsha, zeınetkerge 1998 jylǵy 1 qańtardaǵy jaǵdaı boıynsha yntymaqty júıede jumys istegen ýaqyty, sondaı-aq mindetti zeınetaqy jarnalaryn tólengen kezdegi zeınetaqy júıesindegi eńbek ótili qosyldy.
Eger azamattyń zeınetaqy júıesindegi ótili 10 jyl nemese odan az bolsa, sondaı-aq múlde joq bolsa, bazalyq zeınetaqy eń tómengi kúnkóris deńgeıiniń 65%-na teń bolsa, sodan keıin 10 jyldan asqan ár jyl úshin onyń mólsheri 2 %-ǵa artady. Al eger sizdiń ótilińiz 20 jyl bolsa, bazalyq zeınetaqy tómengi kúnkóris deńgeıiniń 85 % bolady.
Eńbek ótili 30 jyl nemese odan kóp bolsa, kúnkóris deńgeıiniń eń joǵarǵy mólsherinde ıaǵnı 105% belgilenedi.
Eger bir aı ishinde mindetti zeınetaqy jarnalary Biryńǵaı jınaqtaýshy zeınetaqy qoryna birneshe ret aýdarylsa, jınaqtaýshy júıege qatysý merzimi bir aı bolady, – delingen habarlamada.
Osylaısha mindetti zeınetaqy jarnalary neǵurlym turaqty jáne tolyq kólemde aýdarylatyn bolsa, zeınet jasyna jetkende bazalyq zeınetaqy tólemderiniń mólsheri soǵurlym kóbeıedi.
Óz kezeginde azamattyń jasyna baılanysty zeınetaqy tólemderiniń mólsheri 1998 jylǵy 1 qańtardaǵy jumys ótiline (kem degende 6 aı qajet) jáne zeınetkerlikke deıingi kezeńdegi ortasha aılyq tabysyna baılanysty bolady.