Aýa raıy jaǵdaılaryna baılanysty Azamattyq qorǵaý organdary kúshti daıyndyq rejımine aýystyryldy.
Qazaqstanda aldaǵy úsh táýlikte 43 gradýs ystyq pen jańbyr jaýady dep boljanady, dep habarlaıdy Almaty-akshamy.kz
QR TJM baspasóz qyzmetiniń habarlaýynsha, aldaǵy kúnderi elimizdiń shyǵys, soltústik-shyǵys jáne ońtústik-shyǵys aımaqtary atmosferalyq frontaldy bólikterdiń áserinde bolyp, naızaǵaı oınaıdy, burshaq jaýady, jel qyrqyn alady.
"8 shildede elimizdiń soltústik shyǵysy men shyǵysynda, 8-9 shildede respýblıkamyzdyń ońtústik-shyǵysynda qatty jańbyr jaýady", dep habarlaıdy QR TJM "Qazgıdromet" RMK-ǵa silteme jasap.
Qazaqstannyń qalǵan aýmaǵy soltústik-batys antısıklonynyń yqpalynda bolady.
"Osyǵan baılanysty elimizdiń basym bóliginde aýa raıy negizinen jaýyn-shashynsyz bolady dep kútiledi. Búkil kezeńde synap baǵany batysta, 9-10 shildede elimizdiń soltústik-batysynda, 10 shildede Qazaqstannyń ortalyǵynda +43 gradýsqa deıin kóterilip, aptap ystyq bolady dep boljanady", delingen habarlamada.
Osyǵan baılanysty azamattyq qorǵaý organdarynyń kezekshi qyzmetteri joǵary daıyndyq rejımine aýystyrylǵany naqtylanady.