Bul týraly Atyraý oblystyq Tótenshe jaǵdaılar departamentiniń qoǵammen baılanys toby málim etti.
Aerovızýaldy barlaý jumystarynyń qorytyndysynda janyp jatqan órt oshaqtary anyqtalǵan joq, dep habarlaıdy Almaty-akshamy.kz
Atyraý oblysynda Kaspıı jaǵalaýyndaǵy qamys órtiniń aýmaǵy 690 gektarǵa jetti. Departament málimetinshe, búgin, 9 shildede teńiz jaǵalaýyndaǵy qamys órtiniń aýmaǵy taǵy ulǵaıǵan.
«Atyraý oblysynda Kaspıı teńiziniń jaǵalaýynda órtengen qamystyń aýmaǵy – 690 gektar. Aerovızýaldy barlaý jumystarynyń qorytyndysymen janyp jatqan órt oshaqtary anyqtalmady. Alaıda qamys byqsyp jatyr. Búgin, 9 shildede 08:30 saǵattaǵy aqparatqa sáıkes «Kazavıaqutqarý» AQ-nyń STQ-5 qondyrǵysy bar MI-8 tikushaǵymen 11 ret sý tógildi», - delingen habarlamada.
Órtengen qamysty sóndirýge Atyraý oblysynyń Tótenshe jaǵadaılar departamenti men «Aqjaıyq» memlekettik tabıǵı rezervatynan, «Kazavıaqutqarý» AQ-dan 97 adam, 15 tehnıka, 4 motopompa jumyldyryldy.
Kaspıı jaǵalaýynda 6 shildeden beri qamys órtenip jatyr.