Memleket basshysynyń Jarlyǵymen Dáýletbek Qaıyrbekuly Qusaıynov Qazaqstan Respýblıkasynyń Kanadadaǵy Tótenshe jáne ókiletti elshisi bolyp taǵaıyndaldy.
Bul týraly Aqordanyń baspasóz qyzmetinen málim etti, dep habarlaıdy Almaty-akshamy.kz.
Ol Qazaqstan Respýblıkasy Prezıdenti Ákimshiliginiń Syrtqy saıasat jáne halyqaralyq baılanystar bóliminiń meńgerýshisi laýazymynan bosatyldy.
Dáýletbek Qaıyrbekuly 1977 jyly 17 naýryzda Soltústik Qazaqstan oblysynda dúnıege kelgen.
Sh.Ýálıhanov atyndaǵy Kókshetaý ýnıversıtetin, Eýrazıa gýmanıtarlyq ınstıtýtyn jáne Stırlıng ýnıversıtetin bitirgen. Eńbek jolyn 1998 jyly Sh.Ýálıhanov atyndaǵy Kókshetaý ýnıversıtetinde nemis tili kafedrasynyń oqytýshysy bolyp bastaǵan.
1999-2000 jyldary QR Qorshaǵan ortany qorǵaý mınıstrliginiń Ulttyq ornyqty damý ortalyǵynyń keńesshisi boldy. Dıplomatıalyq mansabyn 2000 jyly QR Syrtqy ister mınıstrliginde Kópjaqty yntymaqtastyq departamentiniń attashesi laýazymynan bastaǵan.
2004 jylǵa deıin sol departamentte úshinshi, sodan keıin ekinshi hatshy bolyp jumys istedi. 2004-2008 jyldary Belgıadaǵy QR Elshiliginiń úshinshi hatshysy boldy.
2008-2009 jyldary QR Indýstrıa jáne saýda mınıstrliginiń Saýda kelissózderi departamentinde basqarma bastyǵy qyzmetin atqarǵan. 2009-2014 jyldary QR Prezıdenti Ákimshiliginde Syrtqy saıasat ortalyǵynyń keńesshisi, ınspektory, sektor meńgerýshisi, meńgerýshisiniń orynbasary bolyp jumys istedi. 2014-2017 jyldary – Ulybrıtanıadaǵy QR Elshiliginiń keńesshi-ýákili, al 2017-2019 jyldary – AQSH-taǵy QR Elshiliginiń keńesshi-ýákili. Qazaqstannyń Kanadadaǵy Elshisi bolyp taǵaıyndalǵanǵa deıin 2019 jylǵy qazannan bastap QR Prezıdenti Ákimshiliginiń Syrtqy saıasat jáne halyqaralyq baılanystar bóliminiń meńgerýshisi bolǵan. II cynypty Tótenshe jáne ókiletti ýákil dıplomatıalyq dárejege ıe.
Aǵylshyn, nemis, nıderland tilderin meńgergen.