BUU-nyń shóleıttenýge qarsy konvensıasynyń 16-shy Taraptar Konferensıasy (COP16) 2024 jyldyń 2-13 jeltoqsany aralyǵynda Saýd Arabıasy Koróldiginiń Er-Rıad qalasynda ótedi.
QR Aýyl sharýashylyǵy mınıstrligi atalǵan is-sharaǵa Jer resýrstaryn basqarý komıtetiniń tóraǵasy, shóleıttenýge qarsy kúres jónindegi Konvensıanyń ulttyq úılestirýshisi Murat Temirjanovty usyndy, dep habarlaıdy aqshamnews.kz ASHM-ǵa silteme jasap.
Konferensıada Murat Temirjanov Qazaqstannyń jer resýrstaryn turaqty basqarý salasyndaǵy tájirıbesi týraly aıtty. Mınıstrlik jáne jumys sesıalary sheńberinde jerdiń tozýynyń beıtarap teńgerimi (JTBT) qaǵıdattaryn engizý, jerdi paıdalaný salasyndaǵy ulttyq saıasatty jetildirý jáne tozǵan aýmaqtardy qalpyna keltirý jónindegi halyqaralyq mindettemelerdi oryndaý máseleleri talqylandy.
Jer resýrstarynyń jaı-kúıin monıtorıńileý jáne olardy tıimdi qalpyna keltirý úshin geoaqparattyq júıelerdi (GAJ) jáne qashyqtyqtan zondtaý derekterin qosa alǵanda, ozyq tehnologıalardy paıdalanýǵa erekshe nazar aýdaryldy. Qazaqstan BUU-nyń shóleıttenýge qarsy kúres jónindegi Konvensıasy aıasyndaǵy halyqaralyq yntymaqtastyqqa óziniń adaldyǵyn atap ótip, tabysty tájirıbelermen bólisýge daıyn ekendigin málimdedi.
Qazaqstannyń COP16-ǵa qatysýy halyqaralyq áriptestermen dıalogty nyǵaıtýǵa, ulttyq bastamalardy ilgeriletýge jáne turaqty jer paıdalaný jáne klımattyń ózgerýine qarsy kúres salasynda jahandyq kún tártibin qalyptastyrýǵa biregeı múmkindik beredi.