Qazaqstan jańa rekord ornatyp, Gınnestiń rekordtar kitabyna endi. Mańǵystaý oblysynda Naýryz merekesin toılaýǵa 5000 qazaqstandyq ulttyq kıim kıip, álemdik rekord ornatty. Bul tarıhı sát Qazaqstannyń mádenıeti men birligin álemge tanytqan mańyzdy oqıǵa bolyp tabylady, dep habarlaıdy aqshamnews.kz
Osy tarıhı sátti halyqaralyq deńgeıde qoldaý maqsatynda Nú-Iork qalasynda da erekshe shara uıymdastyryldy. International Beauty Fashion Association prezıdenti Anelá Alımova, vıse-prezıdenti Araılym Qaldarbek jáne Aısha Sýramaeva Times Square alańynda arnaıy is-shara ótkizdi. Bul sharaǵa 50-den astam qandasymyz ulttyq kıim kıip qatysty.
Bul erekshe oqıǵa Nú-Iorktegi kóptegen adamdardyń nazaryn aýdaryp, Qazaqstannyń mádenıeti men birligin álemge pash etti. İs-sharanyńr Araılym Qaldarbek júrgizip, sharanyń mańyzdy sátterin kórsetip, qazaq halqynyń birligin, Naýryz meıramynyń mánin álemge tanytty.
Osylaısha Qazaqstannyń mádenıeti men ulttyq qundylyqtaryn álemdik deńgeıde dáripteý jolynda taǵy bir mańyzdy qadam jasaldy.