Qazaqstandyq kásipker Vladımır Kım quramyna alty jarys komandasy kiretin Hitech Global Holdings kompanıasynyń aksıasyn satyp aldy, dep habarlaıdy Almaty-akshamy.kz Sports.kz portalyna silteme jasap.
Qazirgi ýaqytta F2, F3 jáne F4 jarystaryna qatysyp jatqan sılverstoýndyq komanda dúısenbi kúni ózderiniń ıesi Hitech Global Holdings Limited kompanıasy 25 prosent úlesin qazaqstandyq kásipker Vladımır Kımge satqanyn málimdedi.
Kımniń negizgi kásibi taý-ken óndirisi, bank jáne avıasıa salasymen baılanysty. Ol sondaı-aq Qazaqmys pen KAZ Minerals Group kompanıalaryna basshylyq ete otyryp, álemdegi mys óndirýshilerdiń TOP-ondyǵyna enip otyr.
«Men avtosportqa burynnan qyzyǵatynmyn jáne kóp sanat boıynsha jeńiske jetken ári bolashaqqa degen jospary myqty uıymmen seriktes bolǵanyma qýanyshtymyn. Sportpen burynnan qalyptasqan baılanysymyz bar. Biraq bul bizdiń avtosportqa quıǵan alǵashqy iri ınvestısıamyz. Onyń dınamıkalyq turǵyda tartymdylyǵy, tanymal sport túri bolyp kele jatqany, bızneske degen marketıń múmkindikteri men jankúıerleriniń artyp kele jatqany meniń jeke jáne komersıalyq ambısıalaryma saı keledi», - dedi V.Kım.
2026 jylǵy maýsymnan bastap Hitech komandasy Formýla-1-ge qatysady.
Forbes nusqasy boıynsha Kım Qazaqstandaǵy eń baı adam. Onyń múlki - 4,6 mıllıard dollar jáne ol álemdik reıtıńide 607-shi orynda tur.