Tıisti aqparatty Ulttyq statısıka búrosy jarıalady
Bıylǵy qańtar-aqpan aılarynda Qazaqstannyń EAEO elderimen ózara saýdasy 4 133,3 mln dollardy qurady. 2022 jyldyń sáıkes kezeńine qaraǵanda nomınaldy mánde 5,9%-ǵa kóbeıdi, dep habarlaıdy Almaty-akshamy.kz.
Aqparatqa sáıkes, taýarlar eksporty 1 650 mln dollardy (+33,9%), ımport – 2 483,3 mln dollardy (-7,1%) quraǵan.
Elimizdiń EAEO-nyń syrtqy saýda aınalymynyń jalpy kóleminde 92,6%-y Reseı Federasıasyna tıesili, Qyrǵyzstanǵa – 4,1%, Belarýs – 3,2%, Armenıa – 0,1%.
“EAEO elderimen eksport boıynsha ótken jyldyń sáıkes kezeńimen salystyrǵanda hımıalyq ızotoptardyń elementteri jáne olardyń qosylystary boıynsha 5,6 ese ósim baıqalady. Importta eń úlken ósim qara metaldardan jasalǵan qubyrlar men basqa tútikter boıynsha – 3,5 ese”, - delingen habarlamada.